fedor ohotnick (fedorohotnick) wrote,
fedor ohotnick
fedorohotnick

К празднику: из службы Покрова Пресвятой Богородицы

Оригинал взят у
varnava_mp в К празднику: из службы Покрова Пресвятой Богородицы
          Стихи́ры на велицей вечерни, на 8, гла́съ 1. Подо́бенъ: О, ди́вное чу́до!
        О, чу́дное украше́ніе всѣ́мъ вѣ́рнымъ еси́! Проро́ческое и́стинное сбытіе́, апо́столомъ сла́ва и му́ченикомъ удобре́ніе, дѣ́вству похвала́ и всему́ мíру преди́вный покро́въ. Покры́й, Влады́чице, омофо́ромъ ми́лости Твоея́ Импера́тора и вся́ лю́ди, вопію́щія: Обра́дованная, ра́дуйся, съ Тобо́ю Госпо́дь, подая́й мíру Тобо́ю ве́лію ми́лость.
       Ины стихи́ры, гла́съ 4. Подо́бенъ: Яко до́бля.
         
Яко богонасажде́нный ра́й* и мѣ́сто Живо́тнаго дре́ва,* напая́емо Ду́хомъ Святы́мъ,* Тебе́, Богоро́дице, свѣ́дуще,* Творца́ всѣ́хъ ро́ждшую,* Живо́тнымъ Хлѣ́бомъ вѣ́рныя пита́юща,* Ему́же о на́съ съ Предте́чею моли́ся,* честны́мъ омофо́ромъ покрыва́ющи Импера́тора и лю́ди* отъ вся́кія напа́сти. [Два́жды.]
       Пѣ́снь 4 от канона празднику, тропарь 4:
      Укрѣпи́, Влады́чице, сла́вящаго Тя́ Импера́тора нашего на проти́вныя враги́, я́ко Дави́да на Голіа́ѳа, да Тебѣ́, веселя́щеся, вопіе́мъ: ра́дуйся, покро́ве святы́й и засту́пнице гра́ду на́шему.
       Пѣ́снь 5, тропарь 4:
         
Духо́вными паря́ще кри́лы, святы́хъ собо́ри та́йно пріидо́ша Тебѣ́ послужи́ти, Богоро́дице, ви́дяще Тя́ на ле́гцѣ о́блацѣ сла́вы, ко Спа́су Христу́ моля́щуюся, пода́ти побѣ́ду Импера́тору на́шему, погуби́ти вою́ющихъ на́съ.
      Пѣ́снь 8, тропарь 2:
        Горды́ню и шата́нія низложи́ и совѣ́ты непра́ведныхъ князе́й разори́, зачина́ющихъ ра́ти погуби́, о Бо́жія Ма́ти, Цари́це Всечестна́я, и Благочести́ваго Импера́тора на́шего ро́гъ возвы́си, да Тво́й пра́здникъ сла́вимъ, Пречи́стая Богоро́дице Дѣ́во, зову́ще: Го́спода воспѣва́йте дѣла́ и превозноси́те Его́ во вся́ вѣ́ки.
      Пѣ́снь 9, тропарь 1:
        Высо́кій Царю́, со Отце́мъ сѣдя́й и отъ серафи́мъ воспѣва́емый, при́зри на молитву Ма́терню, ю́же Тебѣ́ за ны́, грѣ́шныя, прино́ситъ, и очи́сти грѣхи́ на́ша, спаси́ гра́дъ, и лю́ди умно́жи, да́ждь Импера́тору здра́віе тѣлесе́ и на пога́ныя побѣ́ды, моли́твами Ро́ждшія Тя́.
     Свѣти́ленъ. Подо́бенъ: Жены́, услы́шите.
     О, Пресвята́я Госпоже́, Дѣ́во Богоро́дице! Покры́й на́съ чуде́снымъ Твои́мъ омофо́ромъ, сохраня́я Импера́тора и лю́ди отъ вся́каго зла́, я́коже Тя́ пречу́дный Андре́й ви́дѣ во Влахе́рнстѣй це́ркви моля́щуюся; и ны́нѣ на́мъ, Госпоже́, посли́ вели́кую Твою́ ми́лость. [Три́жды.]
Subscribe
  • Post a new comment

    Error

    default userpic
    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments